فحص الثدي في هي سكان أمان واطمئنان (الماموجرام - السونار - فحص الأورام الشامل)

س: ايه هي أشعة الماموجرام؟

الماموجرام فحص بالأشعة السينية بيكشف كامل أنسجة الثديين ومنطقة الابطين. أشعة الماموجرام في الغالب بيطلبها الطبيب المعالج في حالة وجود كتلة محسوسة في الثدي أو منطقة الابط أو تغير في لون الثدي أو شكله أو ملمسه أو وجود افرازات شفافة او دموية من الثدي.

س: ازاي بنجري فحص الثدي بالماموجرام؟

الفحص بيتم بجهاز الماموجرام واللي بيتم التصوير بيه في الوضع واقفا مع وضع الثدي علي الجزء المخصص ليه في الجهاز وتصويره بالأشعة السينية اللي بتديلنا صورة كاملة لانسجة الثدي ومنطقة الإبطين وبتدينا مؤشر لأي خلل في الأنسجة مهما كان بسيط أو غير ملموس. وبعدها بنستكمل بالسونار تصنيف الخلل أو المشكلة اللي أشار ليها الماموجرام وبالتالي بنكتشف بشكل مبكر اي شئ ممكن يسبب لينا مشكلة في المستقبل وبنتعامل معاه.

س: هل اجراء أشعة الماموجرام لازم تكون بطلب من طبيب؟

الماموجرام من الفحوص اللي بتجري بطلب من الطبيب المعالج وبتجري دون طلب الطبيب بقرار من الحالة للإطمئنان. لان الماموجرام من فحوص الأشعة اللي بتجري بشكل دوري للإطمئنان فحتي بدون طلب الطبيب المعالج معظم السيدات بعد سن ال 40 بتجري الفحص سنويا للإطمئنان على صحة وسلامة الثدي وللتأكد من عدم وجود اي مشكلة في الأنسجة ممكن تتحول في المستقبل لا قدر الله لورم.

س: هل أشعة الماموجرام ضارة أو ليها أي آثار جانبية؟

أشعة الماموجرام غير ضارة أبدا وملهاش أي آثار جانية وأجهزة الماموجرام الحديثة حاليا جرعة الأشعة فيها بسيطة جدا وآمنة. والأطباء بينصحوا دايما بإجراء فحص سنوي بالماموجرام للاطمئنان علي صحة الثدي وخلوه من اي كتل أو خلل في الأنسجة.

س: من عمر كام نقدر نعمل أشعة الماموجرام؟

في حالة عمل أشعة الماموجرام للإطمئنان والمتابعة بنقدر نجري الفحص الدوري من سن 40 سنة. لكن في حالة طلب الطبيب المعالج لأشعة الماموجرام لتشخيص مشكلة ما في الثدي فبنعمل الأشعة مع أي سن طالما الطبيب المعالج قرر دا لغرض تشخيصي.

س: ايه المدة المناسبة اللي المفروض ننتظرها لاجراء أشعة الماموجرام مرة تانية؟

في حالة المتابعة للاطمئنان يفضل اجراء الماموجرام مرة واحدة سنويا. لكن في حالة وجود كتلة او مشكلة ما في الثدي أو عملية تم اجراءها بالفعل ممكن الطبيب المعالج يقرر مدد أقرب للاشعة زي كل 6 شهور للاطمئنان علي حالة الثدي ورصد أي تغير في مرحلة مبكرة.

س: هل أشعة الماموجرام مؤلمة؟

أشعة الماموجرام مفيهاش أي ألم. بيكون فيه تلامس عادي ما بين الجهاز والثدي لكن دون ألم للحالة. وبيتم الحركة مباشرة بعد اجراء الأشعة وممارسة الحياة بشكل عادي.

س: ايه مدي خطورة أورام الثدي اللي بنجري أشعة الماموجرام لاستبعادها؟

أورام الثدي هي الأورام الاكثر شيوعا لدي السيدات بتصاب بيها واحدة من كل 12 سيدة ودا رقم كبير جدا. وبتكمن خطورة أورام الثدي انها سريعة الانتشار جدا لباقي أعضاء الجسم. فبتشكل أشعة الماموجرام الخاصة بالكشف عن أورام الثدي أهمية كبيرة جدا في الكشف المبكر اللي بيساعد في العلاج وتلقي الرعاية الطبية المناسبة في مرحلة مبكرة قبل تطور الإصابة. من هنا كان اجراء أشعة الماموجرام ضرورة جدا في حالة ظهور اي عرض زي الاحساس بكتلة في منطقة الثديين او الإبط او تغير في لون او شكل او ملمس الثدي او وجود افرازات شفافة او دموية من حلمة الثدي. بالإضافة الي كونه ضرورة بعد سن ال 40 ككشف سنوي بيطمنا علي حالة الثدي وعلي عدم ظهور اي مشكلة في الانسجة فيه.

س: ليه بنحتاج نسحب عينة من الثدي؟

في حالة كانت نتيجة أشعة الماموجرام بتشير لوجود كتلة ما في الثدي حجمها او شكلها ليه مدلول يخلينا نشك في طبيعتها بنبدأ ناخد قرار بسحب عينة من الكتلة دي لتحليلها وتحديد مدي كونها ورم حميد أو لا قدر الله غير حميد.

س: ازاي بيتم سحب العينة من الثدي؟

سحب عينة الثدي بيكون تحت جهاز السونار بالإضافة للاسترشاد بأشعة الماموجرام اللي أجرتها الحالة. وبيتم الوصول للكتلة داخل الثدي بإبرة خاصة بسحب العينات من الثدي وبيتم سحبها وحفظها في مواد خاصة لحين تحليلها. والعملية دي بتم تحت مخدر موضوعي لتقليل الاحساس بألم إبرة سحب العينة.

س: ليه هي سكان المركز الافضل لإجراء أشعة الماموجرام؟

أولا: مركز هي سكان مركز متخصص في أشعة وفحوص المرأة ومنها فحص الماموجرام وبالتالي بنقدم الفحص بأعلى احترافية وادق نتايج.

ثانيا: احنا بنستخدم أحدث التقنيات في الفحص من خلال جهاز ديجيتال ماموجرام شركة فوجي فيلم اليابانية اللي بيوفر لينا أدق التفاصيل باقل جرعة أشعة.

ثالثا: كل فريق عمل هي سكان من الطبيبات والفنيات السيدات وبالتالي بنوفر لحضرتك أثناء الفحص الخصوصية الكاملة اللي بتفرق في راحتك النفسية.

س: ايه هو الفحص الشامل؟

الفحص الشامل دي مجموعة من فحوصات الأشعة والموجات فوق الصوتية بنجريها في هي سكان للكشف المبكر عن الاعضاء الشائع ظهور أورام فيها عند السيدات وهي : الثدي والغدة الدرقية والرحم والمبايض

فبنقوم بعمل فحص شامل لكل الأعضاء دي عبر

• الماموجرام وسونار الثديين
• سونار الغدة الدرقية
• سونار البطن والحوض
• سونار الرحم والمبايض

الفحص بالشكل دا بيطمنا تماما على سلامة الاعضاء اللي فيها خطورة ظهور أورام كمان بيدينا مؤشر لاي خلل في الأنسجة مهما كان بسيط او غير ملموس وبالتالي بنتجنب ظهور المشكلة دي بشكل مفاجئ في المستقبل

بالإضافة للكشف المبكر عن الأورام في الاعضاء دي

فالفحص بيمكنا من استبعاد كتير من المشاكل غير الأورام

زي :

• تضخم الغدة الدرقية
• مشكلات الجهاز الهضمي المختلفة
• تراكم الدهون والتليفات في الكبد
• التهابات وحصوات المرارة
• مشاكل الكليتين زي الالتهاب وحصوات الكلي والقصور والفشل الكلوي
• التهاب المثانة ومشكلات الجهاز البولي
• تكيسات المبايض والرحم

س: كم سعر الفحص الشامل في هي سكان؟

سعر الفحص الشامل في هي سكان 1000 جنيه

س: ايه أهمية سونار الثديين؟

سونار الثديين فحص بيتم اجراءه مع الماموجرام لتحديد طبيعة الأنسجة اللي أظهر الماموجرام ان فيها مشكلة ما كمان للاطمئنان علي طبقة الجلد الخارجية للثدي وحلمة الثدي ومنطقة الابط

وفي حالة ان الحالة في العشرينات من عمرها بنكتفي بسونار الثديين في فحص الثدي دون الماموجرام لطبيعة أنسجة الثدي في المرحلة العمرية دي وحجم الثدي نفسه واللي بيكون فحص السونار هو الأنسب لكشف مشكلاته المختلفة

س: كم سعر أشعة الماموجرام في هي سكان؟

سعر أشعة الماموجرام في هي سكان 700 جنيه شامل سونار الثديين مع الماموجرام